ထိုင်းနိုင်ငံ တောင်ပိုင်း ဆုံခါမြို့နယ်၊ ရနော့အုပ်စု၊ ထန့်ခယာ့ရွာ(ဘေါ်ကု) ပုဇွန်မွေးမြူရေး ကုမ္ပဏီတွင် ခြေထောက်၂ဖက်စွန့် ခဲ့ရသည့် အသက် ၃၂ နှစ်အရွယ် ကိုစံမောင် ဆိုသူမှာ ယခုအခါ ဖန်ငအခြေစိုက် ပညာရေး ဖွံ့ဖြိုးရေး ဖေါင်ဒေးရှင်း FED အဖွဲ့သို့ ရောက်ရှိနေပြီးကြောင်း သိရှိရသည်။
၂၀၁၁ ခုနှစ် ဇွန်လ ၅ ရက်နေ့ နံနက်ပိုင်း၌ အလုပ်ကြပ်(၀ဏ)က ကိုစံမောင်အား ပုဇွန်ကန် သုံး ပန်ကာများတွင် ရေမြုပ်များ ရှိနေသဖြင့် ရေမြုပ်များကို ဆယ်ယူစေခဲ့သည်။ ထိုစဉ် ကိုစံမောင် ၏ ဘယ်ဖက် ခြေထောက်မှာ ပန်ကာဂျွိုင်းဖြင့် ကပ်ငြိပြီး ဒူးခေါင်းအောက်မှ ပြတ်ထွက်သွားခဲ့သည်။ ဆေးရုံတက်နေစဉ် ညာဘက် ခြေ ထောက်မှာ လှုပ်ရှားမှုမရှိသဖြင့် ဒူးခေါင်း အပေါ်ပိုင်းမှ ဖြတ်တောက် ပစ်ခဲ့ရသည်။
ခြေ၂ဖက်ပြတ်နေသော ကိုစံမောင် ထံသို့ ဘန်ကောက်မြို့အခြေစိုက် ထိုင်းနိုင်ငံရောက် မြန်မာနိုင်ငံသား များအဖွဲ့ BAT နှင့် ရှေ့နေတို့ က ဖေဖေါ်ဝါရီလ ၁၆ ရက်နေ့ တွင် သွားရောက် ကူညီပေးခဲ့ကြသည်။
ကိုစံမောင် က“မန်နေဂျာက ကျနော့်ကို တစ်လ ၃၀၀၀ ဘတ် ထောက်ပံ့ပါတယ်၊ ဒီပိုက်ဆံနဲ့ ထမင်းဟင်း ၀၀လင်လင် စားလို့မရဘူး။ ကျနော့်ဘ၀မှာ ဘာမှ မျှော်လင့်ချက် မရှိတော့ဘူးလို့ ထင်ခဲ့တယ်။ ခုတော့ ဦးကျော်သောင်း တို့ ကျေးဇူးကြောင့် ကျနော့်ဘ၀ကို မြေတောင်မြှောက်ပေးမယ့် ဦးထူးချစ်တို့  ဆီကို ရောက်ရှိလာခဲ့ပြီ၊ အားလုံးကို ကျေးဇူးတင်တယ်” ဟုပြောသည်။
ပုဇွန်မွေးမြူရေးကန်မှ ကယ်ထုတ်လာခဲ့သည့် BAT တာဝန်ခံ ဦးကျော်သောင်း က “ ထိုင်းမှာ ပြဌာန်းထားတဲ့ အလုပ်သမား ဥပဒေ အရဆိုရင် အချိန်ကာလက အတော်ကြာသွားပြီဖြစ်ပေမယ့် ရှေ့နေအဖွဲ့ နဲ့ တိုင်ပင်ပြီး
တော့ ဟတ်ယိုင် အလုပ်သမား အာမခံဌာန (ပကာဆာခွန်)မှာ ညှိနှိုင်း အသနားခံ ခဲ့တယ်။ ကျနော်တို့ မသိပဲ ထိုင်းနိုင်ငံ လုပ်ငန်းခွင် အသီးသီးမှာ မြန်မာအလုပ်သမားတွေ ရဲ့ ခြေလက်အင်္ဂါတွေ၊ အသက်တွေ ဘယ် လောက်အထိ ဆုံးရှုံးခဲ့ပြီ ဆိုတာ မသိနိုင်ပေမယ့်၊ သိရှိတာ လေးတွေကို မဟာမိတ် အဖွဲ့ အစည်းတွေနဲ့  တတ်နိုင်သမျှ လက်တွဲကူညီ ပေးသွားမှာပါ” ဟုပြောသည်။
ဖန်ငအခြေစိုက် FED ဒါရိုက်တာ ဦးထူးချစ်က “ ကိုစံမောင် ကိုကျနော်တို့ အဖွဲ့သားတွေ ၀ိုင်းဝန်းစောင့်ရှောက်
ထားမယ်။ သူ တတ်ချင် သင်ချင်ဖို့ သာလိုပါတယ်။ စာဖတ်ဖို့ စာအုပ်စင်လေး လုပ်ပေးထားမယ်။ ကွန်ပျူတာ တစ်လုံးပေးထားမယ်၊ တဖြည်းဖြည်း ဘာသာစကား စကားတွေကို သင်ပေးမယ်။ သူ ပျော်သလောက် နေ ခွင့်ပေးထားမယ်။ ဘယ်လောက်ကြာကြာပေါ့လေ။ နေရပ်ရင်းကို ပြန်မယ်ဆိုရင်လည်း အိမ်တိုင် ယာရောက် ပို့ပေးမယ်” ဟုပြောသည်။
ပုဇွန်ကန်တွင် ခြေထောက် ပြတ်ခဲ့ရသော ကိုစံမောင် ၏ မိဘများမှာ ဦးရွှေစိန်ဦး+ဒေါ်မထွေး ဖြစ်ပြီး ရခိုင်ပြည် နယ် ပုဏ္ဍားကျွန်းမြို့နယ် အထက်မြလေး ကျေးရွာမှဖြစ်သည်။ ကိုစံမောင် ထိုင်းနိုင်ငံသို့ ၂၀၀၈ ခုနှစ် ကုန် တွင် ရောက်ရှိလာခဲ့သူဖြစ်သည်။
No comments:
Post a Comment