ထိုင်းနိုင်ငံတောင်ပိုင်းဖူးခက်မြို့တွင် ဈေးဆိုင်ခွဲ
ပေါင်း၅၀ ကျော်ခန့်ရှိသော (Super cheap) စူပါချိ အမည်ရှိ ဧရာမစူပါ မတ်ကက်ကြီးတွင် အလုပ်လုပ် ကိုင်ကြသည့် ထောင်ချီသည့် မြန်မာအလုပ်သမား များ ဆန္ဒပြ တောင်း ဆိုခဲ့ရာ လုပ်ငန်းရှင်က လိုက်လျှော့ မည်ဖြစ်ကြောင်းပြောဆို ခဲ့သည်။
ဧပြီလ ၁ ရက်နေ့ နံနက် ၅နာရီကတည်းက ထောင်ချီသည့် မြန်မာအလုပ်သမားများက ၎င်းတို့ ချိုးဖေါက် ခံနေရသည့် အခွင့်အရေးများအား တင်ပြခဲ့ကြရာ လုပ်ငန်းရှင်က တစ်လအတွင်း အကြောင်းပြန် ကြားမည်ဖြစ်ကြောင်း ပြောဆိုခဲ့သဖြင့် အလုပ်သမားများက ဆန္ဒပြမှုကို ရပ်တန့် ခဲ့ကြသည်။
ဦးဆောင်သူ တစ်ဦးဖြစ်သော ကိုထွန်းမင်းနိုင် က“ကျနော်တို့ ထောင်ချီရှိတဲ့ အလုပ်သမားတွေ မနက် ၅နာရီကတည်းက လူစုလူဝေး လုပ်ကြတယ်၊ အလုပ်မဆင်းကြဘူး။ ၀ဏ္ဏတို့ မန်နေဂျာ တို့ ကသူတို့ ဖြေရှင်းေ ပးမယ်လို့ပြောတယ်။ ကျနော်တို့လက်မခံဘူး။ သူဌေးနဲ စကား ပြောရမှ ဆန္ဒပြတာကို ရပ်မယ်လို့ ပြော လိုက်တယ်။ သူဌေးရောက်လာပြီးတော့ မေးတယ်။ ကျနော်တို့က အခွင့်အရေးချိုးဖေါက်ခံနေရသမျှတွေကို တင်ပြကြတယ်။ နစ်နာနေရသမျှတွေကို တင်ပြကြတယ်။ တစ်လအတွင်း ဖြေရှင်းပေမယ်လို့ပြောလို့ ကျနော် တို့ ဆန္ဒပြပွဲကို ရပ်နားလိုက်ကြတာပါ” ဟုပြောသည်။
အလုပ်သမားများ တောင်းဆိုချက်များမှာ (၁)ဆေးဝါးကုသမှုနှင့်ကျမ္မာရေးအာမခံချက်မရှိခြင်း(၂) အလုပ် သမားများသည်မိမိတို့လစာမည်မျှရသည်။မည်မျှ ဖြတ်တောက်သည်မည်သည့်အတွက် ဖြတ်တောက်သည်
ကို မသိရှိရပဲ ထိုင်းလူမျိုး အလုပ်သမားကြီးကြပ်သူများ ပေးသမျှသာ ရရှိခြင်း၊မေးမြန်းစုံစမ်းခွင့်မရှိခြင်း။ (၃) မေးမြန်းမိသော အလုပ်သမား ခုနှစ်ဦးမှာ ထိုင်းလူမျိုး အလုပ်သမားကြီးကြပ်ရေးမှူး ၀ဏ္ဏ တို့၏ထိုးကြိတ်မှု တို့ကို ခံခဲ့ရသည့်အပြင် အလုပ်မှ ထုတ်ပယ်ခံခဲ့ရခြင်း။(၄) ပတ်စပို့နှင့် work permit တို့အား မိမိတို့ အစီအစဉ်နှင့် ပြုလုပ်ပါက လုပ်အားခမှ ထပ်မံဖြတ်တောက်ခြင်း။ (၅) လူမျိုးခွဲခြား ဆက်ဆံခံရခြင်း။ တို့ဖြစ်သည်။
ထိုင်းနိုင်ငံတောင်ပိုင်း ဖန်ငအခြေစိုက် ပညာရေး ဖွံ့ဖြိုးရေး ဖေါင်ဒေးရှင်း FED မှ ဒါရိုက်တာ ဦးထူးချစ် က“ အလုပ်သမားတွေအနေနဲ့ ဘယ်လို အခြေနေ မျိုးကြောင့်ပဲဖြစ်ဖြစ် လုပ်ငန်းရှင်တွေဆီမှာ တစ်ခုခု တောင်းဆို မယ်ဆိုရင်၊ အဓိကတော့ မိမိတို့ အချင်း ချင်းစည်းလုံးညီညွတ်ဖို့ လိုပါမယ်။ တစ်ချိန်ထဲမှာဘဲတိုက်ပွဲကို ဦးဆောင်ဖို့အလုပ်သမား ကိုယ်စားလှယ်တွေကိုရွေးချယ်ပြီး စနစ်တစ်ကျ၊ တာဝန်ခွဲဖို့လိုပါမယ်။ဥပမာအားဖြင့်၊သတင်းနှင့်ပြန်ကြားရေး၊ ကျန်းမာရေး၊ အစားအသောက်နဲ့ တစ်ဗိုလ်ကျ တစ်ဗိုလ်တက် ပုံစံမျိုးစနစ်တကျ ဖွဲ့စည်ထားဖို့လိုပါမယ်” ဟုပြောသည်။
အဓိက အရေးကြီးဆုံးမှာ လုပ်နိုင်ကိုင်နိုင်ပြီး စည်းရုံးရေးစွမ်းရည်ကောင်းသောခေါင်းဆောင်များအားလုံး ဦးဆောင်မှုကော်မီတီထဲတွင် စုပြုံပြီး မပါဝင်ရန် အရေးကြီးသည်။ အရည်အချင်းရှိသော ခေါင်းဆောင်အားလုံး တိုက်ပွဲ၏တပ်ဦးတွင်ပါနေပါကလုပ်ငန်းရှင်များကနည်းအမျိုးမျိုးဖြင့်ဖြိုခွင်းသည့်အခါ နောက်ထပ်ခေါင်း ဆောင်နိုင်မည့် ခေါင်းဆောင်များ မရှိတော့ဘဲ၊ ပြိုပျက်သွားနိုင်သည်။ တိုက်ပွဲစမည့်နေ့ရက်၊အချိန်နှင့် နေရာများကိုလည်းစနစ်တကျ ရွေးချယ်သင့်သည်။ ထို့မှသာ မိမိတို့၏ ရည်ရွယ်ချက် အထမြောက် အောင်မြင် နိုင်သည်။ အများပြည်သူ ရုံးပိတ်ရက်မျိုးနှင့် ရုံးချိန်ပြင်ပများတွင် ဆန္ဒပြခြင်းထက်၊ ရုံးချိန်အတွင်းမှာ ဆန္ဒပြခြင်း ကပိုမို ထင်သာမြင်သာဖြစ်စေကြောင်း ဦးထူးချစ်က အကြံပြုပြောဆိုသည်။
ဖူးခက်မြို့၏ တစ်ခုတည်းသော အကြီးဆုံး Super cheap စူပါမတ်ကက် ကြီးအား ၁၉၈၄ ခုနှစ်က စတင် တည်ထောင်ဖွင့်လှစ်ခဲ့ကြောင်း အင်တာနက်အွန်လိုင်း အချက်အလက်များအရသိရှိရသည်။
No comments:
Post a Comment