“ထိုင်းရောက်မြန်မာ ရွှေ့ပြောင်းအလုပ်သမားများ ဘ၀ ရုပ်ရုပ်ကား အား FED က စီစဉ် ရိုက်ကူး”

မေလ ၁၂ မြတ်ညို (အလွတ်သတင်းထောက်)
ထိုင်းရောက် ရွှေ့ပြောင်း အလုပ်သမားများ၏ ဘ၀ပေးအနေအထားများနှင့် ၎င်းတို့၏ သားသမီး များပညာရေးအခြေအနေများကို အဓိက   ဖေါ်ကျူးထား သည့် ရုပ်ရှင်ဇါတ်ကား တစ်ကားအား၊ ပညာရေးနဲ့ဖွံ့ဖြိုးတိုး တက်ရေး   ဖောင်ဒေးရှင်းFED က  စီစဉ်ဦးစီလျှက် ယမန်နေ့က စတင်ရိုက်ကူးနေကြောင်း သိရှိရသည်။

 ထိုင်းတောင်ပိုင်းဖန်ငအခြေစိုက် ပညာရေးဖွံ့ဖြိုးရေး ဖေါင်ဒေးရှင်း FED အဖွဲ့၏ မေတ္တာရပ်ခံ ဖိတ်ခေါ် ခြင်း ကြောင့် ၀တ္ထု ဇါတ်ညွှန်းကို မတူးတူးသာ က ရေးသားပြီး ဒါရိုက်တာ မင်းထင်ကိုကိုကြီး၊ ရဲတိုက်၊ ချစ်သုဝေ၊ ကောင်းပြည့်နှင့်သန္တာဗိုလ် စသည့် ရုပ်ရှင် အနုပညာရှင်တို့က အခကြေးငွေမယူပဲ လာရောက် ရိုက်ကူး ကြခြင်းဖြစ် သည်။
 

FED ဒါရိုက်တာ ဦးထူးချစ် က“တိုင်းပြည်နဲ့လူမျိုး တိုးတက်ရေးအတွက် ကလေးတွေရဲ့ ပညာတတ်မြောက်မှုဟာ အရေးကြီးပါတယ်။ ထိုင်းနိုင်ငံထဲ မှာ ရောက်နေကြတဲ့   ရွှေ့ပြောင်း အလုပ်သမားတွေရဲ့ ကလေးတွေ ပညာတတ်ဖို့ လိုပါတယ်။ ဒီကလေးတွေ ပညာသင်ကြားရေးမှာ ကျနော်တို့  အခက်အခဲတွေကြုံနေ ရတာတွေ ကို နိုင်ငံတကာ နဲ့ ပြည်တွင်း ပြည်ပက  မြန်မာတွေ သိရှိဖို့နဲ့ ရွေ့ပြောင်းမြန်မာကလေးတွေ အတွက်ပညာရေး တိုးတက်ဖို့ဟာ ကျနော်တို့ မြန်မာနိုင်ငံသားအားလုံးနဲ့ နိုင်ငံတကာမှာ တာဝန်ရှိတယ် ဆိုတဲ့ဆိုတာကို ပြချင်လို့ ဒီရုပ်ရှင်ကားကို ရိုက်ကူးရခြင်းဖြစ်ပါတယ်၊ လူငယ်အနုပညာရှင်တွေ တာဝန်သိသိ လာရောက်ကူညီပေးတာကို အလွန်ပဲဝမ်းမြောက်ပါတယ်။ ကျေးဇူးလည်းတင်တယ်” ဟုပြောသည်။

ထိုင်းနိုင်ငံ၏ နာမည်ကျော်လူ့အခွင့်အရေး လှုပ်ရှားသူ၊ ထိုင်းအထက်လွှတ်တော်အမတ်ဟောင်း လည်းဖြစ် FED အဖွဲ့၏  ဥက္ကဌ လည်း ဖြစ်သော ခရိုင်ဆတ်ချွန်နဝန် က“ရွှေ့ပြောင်းအလုပ်သမားနဲ့ပတ်သက်ပြီး  ဒီရုပ်ရှင်ကား ဟာ ပထမဦးဆုံး ရိုက်ကူးတဲ့ ကားဖြစ်တယ်၊ ဒီရုပ်ရှင်ကား ပြီရင် ထိုင်းအနုပညာခန်းမှာ နိုင်ငံတကာပညာရှင် တွေ မီဒီယာတွေ သံဝန်ထမ်းတွေကို ဖိတ်ကြားပြီးတော့ ဖွင့်ပွဲလုပ်မယ်”ဟု ရိုက်ကွင်းသို့ လာရောက်အားပေး စကားပြောကြားသွားခဲ့သည်။
ရုပ်ရှင်အဖွဲ့အား ဦးဆောင်သူ  စွယ်စုံအနုပညာရှင် ဇာဂနာ က“ပြည်ပမှာရှိနေတဲ့မြန်မာ အလုပ်သမားတွေရဲ့ ပညာရေးအတွက် သာမကပြည်တွင်းက ကလေးတွေအတွက်ပါ ပညာရေး အရေးကြီးကြောင်း ကို ပြသတဲ့ မှတ်တမ်းရုပ်ရှင်ကားပါ” ဟုပြောသည်။

 ခေါင်းဆောင်မင်းသား ရဲတိုက် က “ရွှေ့ပြောင်းကလေးတွေရဲ့ပညာရေးကို အထောက်အပံ့ဖြစ်စေမယ့် ဇါတ်လမ်း   ဖြစ်နေတာကြောင့် လာရောက်ရိုက်ကူးပေးတာပါ” ဟုပြောသည်။ မြန်မာပြည် အသွင်ကူးပြောင်းရေး  အခြေအနေပေါ် မူတည်၍    နိုင်ငံတကာအလှူရှင်  အဖွဲ့အတော်များများ တို့ ပြည်တွင်းသို့ တိုက်ရိုက် အကူအညီများပေးဆောင်နေကြပြီဖြစ်သဖြင့် ပြည်ပအခြေစိုက်မြန်မာအဖွဲ့အစည်း  အချို့တို့၏   လုပ်ငန်း  ဆောင်တာ  အချို့တို့ အခက်အခဲကြုံနေကြကြောင်း သိရှိရသည်။
ရွှေ့ပြောင်း အလုပ်သမားများ၏ ပကတိ အနေအထားများနှင့်  ကလေးငယ်များ ပညာရေးအတွက် လိုအပ်ချက် များအား   မြန်မာနှင့် နိုင်ငံတကာတို့က သိရှိစေရန် ရည်ရွယ်ထုတ်လုပ်သည့် ယခုရုပ်ရှင်ကား   တွင် ပြည်တွင်းမှလာရောက်  ကူညီပေးကြသည့် အနုပညာရှင်များနှင့်အတူ FED ၀န်ထမ်းများ  နှင့် အတူ   ရွှေ့ပြောင်း အလုပ်သမား များလည်း ပါဝင်ရိုက်ကူးကြကြောင်း သိရှိရသည်။