ဇွန်၁ ပဲခူး ညီလေး
ပြီးခဲ့သည့် မတ်လ(၂၁)ရက်နေ့မှ စတင်၍ နေပြည်တော်ကောင်စီနယ်မြေ၊
ဇမ္မူသီရိမြို့နယ် ပြန်ကပြေးကျေးရွာအုပ်စု ၊ တောက်ထိန်ကျေးရွာအတွင်းရှိ သားစဉ်မြေဆက် အစဉ်အဆက်နေထိုင်ခဲ့သောကျေးရွာသူ/သားများ ၏ နေအိမ်ခြံဝိုင်းများကိုကျူးကျော်ဆောက်လုပ် ထားသောနေအိမ်များအဖြစ်သက်မှတ်ပြီး မြို့နယ် အထွေထွေအုပ်ချုပ်ရေးဌာနမှ ဖယ်ရှားခိုင်းကြောင်း သိရှိရသည်။
ထို့သို့နေအိမ်များ ဖယ်ရှားခိုင်းမှုများနှင့်ပတ်သက်ပြီးတောက်ထိန်ကျေးရွာရှိ ကျေးရွာသူ/သားများက
မိမိတို့၏ ဘိုးဘွားများနှင့် မိဘများအနေဖြင့် (၁၉၈၅)ခုနှစ်မှစတင်၍ရဲဘော်သုံးကျိပ် အဖွဲ့ ဗိုလ်တောက်ထိန်
မှ ဆန်တစ်အိတ် ငွေ(၁)ကျပ်ပေး၍ ရွာတည်ရန်ခေါ်ယူခဲ့သည့်အချိန်မှစတင်နေထိုင်လာခဲ့ကြပြီးမိမိတို့ အနေဖြစ်လည်း မိဘဘိုဘွားများနှင့်အတူ လက်ပွန်းတတည်းလုပ်ကိုင်စားသောက် နေထိုင်ခဲ့သူများဖြစ်ကြ သည်။
ယခုလိုမျိုးနေအိမ်များဖယ်ရှားထွက်ခွာခိုင်းသည့်အဖြစ်မျိုး ၂၀၀၁ခုနှစ်တွင် တစ်ကြီမ်ကြုံတွေ့ ခဲ့ရပြီး နိုင်ငံတော်အကြီးအကဲများကိုတင်ပြသည့်အခါ ရွာတည်ကတည်းကနေထိုင်လာကြသည့် ကျေးရွာ/
သားများဖြစ်သောကြောင့် ဆက်လက်နေထိုင်ခွင့်ရရှိခဲ့သည်။
နောက်ပိုင်းတွင်
တောက်ထိန်ကျေးရွာရှိ ရွာသူ/သားများ၏ အိမ်ခြံဝိုင်းများနှင့် ယာမြေများကိုမြို့နယ်နှင့်ကျေးရွာ အုပ်ချုပ်ရေးမှူး အဆက်ဆက်မှ ၄င်းတို့၏မိသားစုဝင်များ၊ ဆွေမျိုးမိတ်ဆွေအပေါင်းအသင်းများနှင့်ငြိမ် ချမ်းရေး အဖွဲ့ဝင်တို့၏ အမည်များကို စာရွက်ပေါ်တွင် အကွက်ရိုက်ဖော်ပြထားသောကြောင်နဂိုမူလ အိမ် နှင့်ခြံဝိုင်းပိုင်ရှင်များတရားစွဲဆိုခံရသည့်အဖြစ်မျိုးနှင့်ကြုံနေရပါသည်းဟု ဒေသခံ ရွာသားတစ်ဦးက ပြောပြသည်။
“ ကျွန်တော်တို့ကျေးရွာရှိ အိမ်ခြံဝိုင်းများကို နိုင်ငံတော်ကခွင့်ပြုမိန့်မပါပဲ မြို့နယ်အထွေထွေအုပ်ချုပ်ရေးမှူးမှ
အလံတွေစိုက်၍ အိမ်တွေဖျက်ခိုင်းပါတယ်၊ စာအမျိုးမျိုးထုတ်ပြီးမဖယ်ရှားပေးပါက တရားစွဲမယ်လို့
ပြောတယ်။ ကျွန်တော်တို့ ကျေးရွာရှိအိမ်ခြံဝိုင်းများကိုဖယ်ရှားပေးရမည်ဆိုလျှင်းလည်း ဒီမှာနေသည့်
ကျေးရွာသူ/သားများအနေဖြင့်ဘယ်နေရာမှသွားနေစရာမရှိပါဘူး၊ အုပ်ချုပ်ရေးမှူးတွေကလည်း ကျွန်တော် တို့ကိုမြေနေရာ မြေအစားမပေးသည့်အတွက်ဖယ်ရှားထွက်ခွာပေးရန်အခက်အခဲများရှိနေပါတယ် ”ဟု တောက်ထ်ိန်ရွာသားစစ်မှုထမ်းဟောင်း ဦးခင်မောင်စိုးကပြောသည်။
“ ကျွန်တော်သိရသလောက်တော့ ၁၉၈၄ ခုနှစ်မှာ အကွက်ရိုက်ပြီးတော့ လန-၃၉ချပေးတယ် ၊ အကွက် လွတ်တွေကျန်တယ်၊နောက်သက်တမ်းပြောင်လာတော့ အကွက်လွတ်တွေကျန်တဲ့အတွက် ထပ်ချပေးတယ်၊
အဲဒီနည်းနဲ့ပဲချပေးတာလို့ ထင်ပါတယ်၊ဇမ္မူသီရိမြို့ နယ်မှာ တာဝန်ထမ်းဆောင်နေအချိန် အတွင်း တောက် ထိန်ကျေးရွာရှိအိမ်ခြံဝိုင်းများကို ဖယ်ရှားထွက်ခွာပေးရန်ဘယ်ဝန်ကြီးဌာနမှ ညွန်ကြားထားတာမရှိပါဘူး၊ တရားစွဲဆိုခြင်း၊ဖယ်ရှားထွက်ခွာခိုင်းခြင်းများကိုကျွန်တော်တို့ ကြေးတိုင်နှင့်မြေစာရင်းဦးစီးဌာမှယခုအချိန်
အထိမလုပ်ဆောင်ခဲ့ပါ ”ဟု နေပြည်တော်ကောင်စီ၊ဇမ္မူသိရိမြို့နယ် ကြေးတိုင်နှင့် မြေစာရင်းဦးစီးဌာနမှ
ဦးစီးမှူးဦးကျော်ကျော်ဝင်းမှ ပြောသည်။
သတင်းအတည်ပြုရန်အတွက် နေပြည်တော်ကောင်စီ၊ ဇမ္မူသိရိမြိုနယ်၊မြို့နယ်အထွေထွေ အုပ်ချုပ်ရေးမှူး အားတွေ့ဆုံခွင့်တောင်းခဲ့ပေမယ့် တွေ့ခွင်ရမရှိပါ၊အုပ်ချုပ်ရေးမှူးအစည်းအဝေသွားနေသည် ဟုသာ ၀န် ထမ်းတစ်ဦးမှပြန်လည်ဖြေကြားခဲ့သည်။
မြို့နယ်အထွေထွေအုပ်ချုပ်ရေးမှူး ဦးဝင်းမော်မှ နေပြည်တော်ကောင်စီနယ်မြေ၊ဇမ္မူသီရိမြို့နယ် ပြန်က
ပြေးကျေးရွာအုပ်စု၊ တောက်ထိန်ကျေးရွာအတွင်းရှိ သားစဉ်မြေဆက် အစဉ်အဆက်နေထိုင်ခဲ့သော
ကျေးရွာသူ/သားများ၏ နေအိမ်ခြံဝိုင်းများကိုကျူးကျော်ဆောက်လုပ်ထားသောနေအိမ်များအဖြစ်သတ် မှတ်ပြီး ဖယ်ရှားထွက်ခွာရန်အကြောင်းကြားစာများအကြိမ်ကြိမ်ပေးပို့ထားကြောင်း စုံစမ်းသိရှိရသည်။
No comments:
Post a Comment