“MOU အလုပ်သမား ၅၁ ဦး ကုမ္ပဏီက တာဝန်မယူသဖြင့် သောင်တင်နေ”

ဧပြီလ ၁၄
မြတ်ညို(အလွတ်သတင်းထောက်)
                   မဟာချိုင်ပုဇွန်အလုပ်ရုံသို့MOU ဖြင့် ရောက်ရှိ လာသည့် အလုပ်သမား ၅၁ ဦးကို သက်ဆိုင်ရာ ကုမ္ပဏီက တာဝန်ယူမှု မရှိသဖြင့် မြန်မာအလုပ် သမားကူညီစောင့်ရှောက်ကော်မတီက ကူညီထား ရကြောင်းသိရှိရသည်။
        ယခုအလုပ်သမားများမှာ ၂၀၁၃ ခု မတ်လ ၁၅ ရက်နေ့က  ရန်ကုန်မြို့ကျောက်တံခါးမြို့နယ်၊ ၃၉ လမ်း အမှတ်၁၁၅ မြေညီထပ်တွင်ဖွင့်လှစ်ထားသော   Pepole’Choice  ကုမ္ပဏီမှ ထိုင်းနိုင်ငံ စမွတ်စာခွန်ခရိုင် မဟာချိုင်၉လမ်း အမှတ်(၁၀/၂၀) အလုပ်ရုံ Ing  Daw Frozen Limitet Partnership သို့ ၁၅၀ ဦး တင်သွင်းခဲ့သည့် အလုပ်သမားများထဲမှ အလုပ်သမားများဖြစ် ကြ သည်။
               မတ်လ ၁၈ ရက်နေ့တွင် စတင်အလုပ်လုပ်ခဲ့ကြပြီးနောက် ၁၇ ရက်ကြာအလုပ်လုပ်ပြီး၊ ဧပြီလ ၆ ရက်နေ့တွင် တစ်နေ့ လျှင်၂၃၀ဈေးနုန်းသာပေးမည်ဖြစ်ပြီး ကျန်ငွေကို ပွဲစားမှ ရှင်းပေးလိမ့်မည်ဖြစ် ကြောင်း လုပ်ငန်းရှင်အမျိုးသမီးကပြောပါသည်။
အလုပ်သမား  ခေါင်းဆောင် ကိုစောမြတ်ချို က“ အိမ်သာထဲမှာ အကူညီတောင်းခံရန် ဆိုပြီး ဖုန်းနံပါတ် တစ် ခု ရေးထားတာကို တွေ့တယ်။  ကျနော်ဖုန်းဆက်ကြည့်တော့ MAT အဖွဲ့ က ဦးကျော်သောင်း ဖုန်းဖြစ်နေ တယ်။ ကျနော်တို့လုပ်အားခကို အလကားရချင်တဲ့သဘောတွေ့ရတယ်။ ကျနော်တို့ကို  ကီလိုစားနဲ့ရှင်းပေး မယ်။ နေ့စားမပေးနိုင်၊ မလုပ်ချင်ရင် နယ်စပ်ပြန်ပို့မယ်၊ ပုလိပ်ခေါ်ဖမ်းခိုင်းမယ်၊ အဲဒီလိုလုပ်ငန်းရှင် အမျိုး သမီး ကခြိမ်းခြောက်ပြောဆိုလာတယ်။ သံရုံးက အလုပ်သမားအရာရှိ ကိုလည်းဖုန်းဆက်တယ်။ ပွဲစားတွေ ကိုလည်း ဖုန်းဆက်တယ်။ကျနော်တို့ကိုအလုပ်မလုပ်ရင်မနေရဘူးဆိုပြီးခြံအပြင်ကိုမောင်းထုတ်တာကြောင့်    ကျနော်တို့ MAT အဖွဲ့ ကို အကူညီတောင်းခံခဲ့ရတယ်” ဟုပြောသည်။
             ထိုင်းနိုင်ငံရောက် မြန်မာနိုင်ငံသားများအဖွဲ့ MAT ၏ မဟာချိုင်တာဝန်ခံ နှင့် မြန်မာသံရုံးတွင်ဖွဲ့စည်း ထားသည့် (မြန်မာအလုပ်သမားများကူညီစောင့်ရှောက်ရေးကော်မတီ) မဟာချိုင်ဒေသတာဝန်ခံ ကိုခိုင်ကြီး က အလုပ်သမား ခေါင်းဆောင်၈ဦးကို ခေါ်ယူစောင့်ရှောက်ထားခဲ့သည်။ ဧပြီလ(၉) ရက်နေ့တွင် မိန်းကလေး ၇ဦးနှင့် လင်မယားတွဲ ၄တွဲတို့အား တည်းခိုခန်းတွင် သန့်ရှင်းရေး အလုပ် လုပ်ရန် Pepole’Choice ကုမ္ပဏီ ကိုယ်စားလှယ် ကိုစိုးမိုးက ပြောဆိုလာခဲ့ရာ ကိုခိုင်ကြီး ကစိတ်မချသဖြင့် အမျိုးသမီးအချို့ကို ၎င်း၏ရုံးခန်းသို့ ထပ်မံခေါ် ဆောင်လာခဲ့ပြန်ပါသည်။               ပွဲစား စိုးမိုးတို့က အခြားတစ်နေရာသို့ အလုပ်သမား ၄၃ ဦးတို့ကို ပို့ဆောင်ထားပါသည်။ ပွဲစားများက အလုပ် သမား ၄၀ခန့်တို့၏ အ၀တ်အိပ်များကို ယူဆောင်သွားကြပြီး  ပန်းရံဆိုဒ်ကို ပို့မလိုလို နယ်စပ်ကို ပြန်ပို့ မလိုလို   ဖြင့် ဖြစ်နေပါသည်။ အလုပ်သမားများမှာ လုပ်အားခလည်းမရရှိခဲ့သဖြင့် စားရေး အခက်ကြုံနေပါသည်။
        မြန်မာသံရုံး အလုပ်သမားကူညီစောင့်ရှောက်ရေး ကော်မတီမှ အလုပ်သမားညွန်ကြားရေးမှူး ဦးနိုင်ထွန်း က အလုပ်သမားများအား သင်္ကြန်းတွင်းစားသောက်စရိတ်အဖြစ် ဘတ်ငွေ ၅၀၀၀ကူညီ လှူဒါန်း သည်ကို ဧပြီလ ၁၁ ရက်နေ့က MAT အဖွဲ့  ဒါရိုက်တာ ဦးကျော်သောင်း ကသွားရောက်ပေးပို့ခဲ့သည်။
                 ဧပြီလ ၁၃ ရက်နေ့ညနေ ၃နာရီထိုးသည့်တိုင်အောင် အထက်ပါ အလုပ်သမားလေးဆယ်ခန့်
မှာ နံနက်ထမင်းမစားရသေးသဖြင့် ဦးခိုင်ကြီးက အလုပ်သမားများအားလုံးကို ခေါ်ယူစောင့်ရှောက်ထားခဲ့
သည်။ အမျိုးသားအလုပ်သမား၁၆ဦးနှင့် အမျိုးသမီးအလုပ်သမ ၃၅ ဦးတို့၏ အ၀တ်အထည်အိပ်များကို ၄ရက်တိုင်တိုင်ပွဲစားများကယူထားကြသည်။ဦးခိုင်ကြီးအကြိမ်ကြိမ်တောင်းခံမှုကြောင့်သင်္ကြန်အကြိုနေ့တွင် အ၀တ်အထည်များအား လာရောက်ပို့ဆောင်ခဲ့သည်။
            Pepole’Choice ကုမ္ပဏီ မှ တာဝန်ရှိသူ တစ်ဦး ဟု ဆိုသည့် ကိုမောင်မြတ် ဆိုသူက သင်္ကြန်အလွန် ဧပြီ ၁၈ ရက်နေ့တွင် အလုပ်ရှာပေးမည်ဟု ပြောဆိုကြီး လက်ရှိ အလုပ်သမားများ၏ စားရေးနေရေးတို့ အတွက်မူ စကားတစ်ခွန်းမှ မပြောဆိုကြောင်း ကိုခိုင်ကြီး ကပြောသည်။
“အလုပ်သမားတွေ ၁၇  ရက်လုပ်အားခ တစ်ဦးစီ ဘတ်ငွေ ခြောက်ထောင်ကျော်စီ မရခဲ့ဘူး။ ရုံးတွေ ပြန်
ဖွင့်ရင် ဆ၀ါဒီကန်ရုံးကို အလုပ်သမားတွေကိုခေါ်သွားပြီးတော့ အမှုဖွင့်မယ်၊  ပွဲစားတွေ သူတို့ကတိပေးထား
တဲ့ရက်မှာ ဒီအလုပ်သမားတွေကို အလုပ်သွင်းမပေးဘူးဆိုရင် အလုပ်သမားတွေ အကုန်လုံးကို ကျနော်
မြန်မာသံရုံးကိုခေါ်သွားမယ်၊ ဒီအလုပ်သမားတွေဟာ ကုမ္ပဏီကိုပေးတဲ့ပိုက်ဆံနဲ့ မြ၀တီမှာ စောင့်နေတဲ့
အချိန်မှာ စားသောက်နေထိုင်ခဲ့တာ စုစုပေါင်း ကျပ်ငွေ ငါးသိန်းကနေ ခုနစ်သိန်းထက်မနည်းကုန်ကျလာ
တဲ့လူတွေဖြစ်တယ်။ ဒီလူတွေအကုန်ဘ၀ပျက်ကုန်မယ်” ဟုပြောဆိုသွားသည်။


         ထိုင်းနိုင်ငံအတွင်းသို့MOUကုမ္ပဏီဖြင့်တင်သွင်းထားသည့်အလုပ်သမားအတော်များများတို့ ပြဿနာတက်မှု
များ နေရာတိုင်းတွင် ပေါ်ပေါက်နေသဖြင့် များမကြာမီ ကာလအတွင်း မြန်မာပြည်မှအာဏာပိုင်များ လာရောက် စစ်ဆေးမည်ဟု ကြားသိရသဖြင့်အလုပ်သမားများအားကူညီစောင့်ရှောက်သည့်အဖွဲ့အစည်းများ က စောင့်ကြည့်နေကြကြောင်းသိရှိရသည်။